'حقاني شبکه، د افغانستان په لوبه د پاکستان اصلي مُهره' | Haqqani network, Pakistan's pawn in the Afghan game       ایا له طالبانو سره د خبرو اترو په بهیر کې د پاکستان ورګډول د حقاني شبکه خبر و اترو ته راوستی شي ؟ ځینې باوري سرچینې وايي چې د افغانستان د مسالې د سیاسي حل په موضوع کې د برخې اخیستو لپاره د پاکستاني حکومت لپاره د نړیوالې ټولنې د قانع کولو لپاره که پاکستان له طالبانو سره د خبرو په بهیر کې راګډ کړای شي، نو په دې صورت کې د افغاسنتان په تاوتریخوالي کې تر ټولو مهم عنصر یعنې د حقاني شبکه د خبرو میز ته راوستل شوني دي . پاکستاني حکومت ته دغه خبرې په کابل کې د برتانیا سفیر ویلیم پیتي په هغو څرګندونو وکړې چې وايي د پاکستان له خوا د خبرو لپاره د افغان طالبان چمتو کول مهم رول لوبولی شي .   http://www.bbc.co.uk/pashto/world/2011/06/110608_hh-haqqani-talks.shtml http://www.lasvegassun.com/news/2011/sep/18/us-us-pakistan/

  د حقاني د ډلې مشر سراج الدین حقاني د رویټرز خبري آژآنس ته د شنبې په ورځ ویلي دي که طالبان د سولې د پروسې یوه برخه وګرځي دوی به یې ملاتړ وکړي دی وايي چې دې ډلې مخکې هم د افغان دولت او امریکې د سولې هغه غوښتنې چې ماتیدونکې دي رد کړي دي. د حقاني ډله په پاکستان خوندي پټنځایونه لري او له هغه ځایه په افغانستان کې د بریدونو تابیا کوي. دا خبرې په داسې حال کې کیږي چې امریکې د تیرې سه شنبې د بریدونو مسولیت د حقاني د ډلې پر غاړه ور واچوی. http://tolonews.com/pa/afghanistan/3951-haqqani-network-to-support-afghanistan-peace-process- http://tolonews.com/en/afghanistan/3951-haqqani-network-to-support-afghanistan-peace-process-    

  د امریکې د څارګرې ادارې رییس: د القاعدې ډلې کیدی شي سویلي اسیا ته و تښتي | CIA director David Petraeus: It is possible that Al Qaeda operatives will flee from Afghanistan to South Asia     د امریکې د څارګرې ادارې نوي ټاکل شوي رییس ډيویډ پیټریوس ویلي دي کیدی شي د امریکايي پوځ تر سختو فشارونو وروسته د القاعدې د ډلې مشران له افغانستان څخه سویلي اسیا ته تښتیدلي وي خو دی وايي چې د افغانستان په شمول به یې له مرکزي او سویلي اسیا څخه هم ګیلم ټول شي د امریکې د څارګرې ادارې نوي رییس چې د کار لومړۍ اونۍ یې وه وویل په تیرو اتلسو او ۲۴ میاشتو کې د القاعدې ډلې باډۍ ماته شوې او دوی د کښته تګ په حال کې دي او دوی ته اوس یوازې تبلیغات ور پاتې دي http://tolonews.com/pa/afghanistan/3941-us-may-force-al-qaida-to-flee-afghanistan-to-south-asia-cia-chief-says http://tolonews.com/en/afghanistan/3941-us-may-force-al-qaida-to-flee-afghanistan-to-south-asia-cia-chief-says  

  د افغانستان په لويديځ کې چارواکي وايي وسله والو طالبانو د هرات ـ کندهار پر لویه لار د بهرنیو ځواکونو د يوه اکمالاتي کاروان ۱۵ ګاډي سوځولي دي. پېښه د فراه د بکوا په سيمه کې رامنځته شوې او ځايي امنيتي چارواکي وايي چې د بريد په پايله کې د اکمالاتي کاروان یو ساتونکی وژل شوی او پنځه نور ټپيان شوې دي. د بريد پر مهال د کاروان ساتونکو له وسله والو طالبانو سره نښته هم کړې، خو په نښته کې وسله والو ته د ور اوښتې مرګ ژوبلې په اړه جزييات نه دي ورکړل شوي. http://www.bbc.co.uk/pashto/afghanistan/2011/09/110915_as_convey_attack_frah.shtml http://www.thefrontierpost.com/?p=56258

      په افغانستان کې د امریکې سفیر ویلي دي چې د دې هیواد پر سفارت او د آیسف د قومندې پر مرکز د وسله والو برید د اندیښنې وړ نه دی د امریکې سفیر راین کراکر په کابل کې د وسله والو تر ۲۴ ساعته برید څخه وروسته چې پکې څلور پولیس او څلور ملکي وګړي و وژل شول او ۱۷ تنه پکې ټپیان شول یوه مهمه موضوع نه بولي. د عبدالحق په څلور لارې شپږ برید کونکي یوې ودانۍ ته ور پورته شول او له هغه ځایه یې د امریکې پر سفارت او د آیسف پر قومندانۍ بریدونه پیل کړل   http://www.tolonews.com/pa/afghanistan/3931-attack-on-kabul-embassy-is-no-big-deal-us-ambassador-crocker-says   http://www.tolonews.com/en/afghanistan/3931-attack-on-kabul-embassy-is-no-big-deal-us-ambassador-crocker-says  

      دافغانستان د کورنیو چارو وزارت وايي چې په کابل کې د تېرې ورځې په بریدونو کې څلور پولیس او څلور ملکیان وژل شوي او نهه پولیس او اته ملکي وګړي بیا ټپيان دي، که څه هم لا تر دې دمه د پوره مرګ ژوبلې شمېره نشته ولې چارواکي وايي ممکن د تلفاتو شمېر زیات وي. د تېرې ورځې له غرمې وروسته د کابل ښار په مهمو نقطو د وسلوالو طالبانو بریدونه له یو لړ مرګ ژوبلې سره سره نن سهار په اتو بجو پای ته ورسېدل، تر ټولو مهم برید د کابل ښار په زړه د عبدالحق څلور لارې ترڅنګ له څوارلس پوړیزه ودانۍ وو چې طالبانو د نېږدې شلو ساعتونو لپاره ترې پخه مورچله جوړه کړې وه، اوس حالت عادی دی او خلک بېرته عادي کارونو ته ورستانه شوي. برید مرګ ژوبله درلوده.   http://www.voanews.com/pashto/news/Kabul-Attack-Ended-129795138.html http://news.yahoo.com/assault-afghan-capital-leaves-27-dead-134113897.html

    د سه شنبې په ورځ په یوه بجه او دیرشو دقیقو د کابل په زړه کې د عبدالحق څلورلارې سره نیژدې یوې لوړپوړې ودانۍ ته چې نوې د جوړیدو په حال کې وه وسله وال ور پورته شوي دي او له هغه ځایه پر ښار ډزې کوي په سیمه کې د طلوع نیوز خبریال وايي چې برید کونکي یوې ودانۍ ته ننوتلي دي او له هغه ځایه ډزې کوي. http://tolonews.com/pa/afghanistan/3925-insurgents-attack-kabul-with-rockets-suicide-bombs- http://tolonews.com/en/afghanistan/3925-insurgents-attack-kabul-with-rockets-suicide-bombs-

      په پلازمېنه کابل کې يوه ډله ييز بريد او يوه ځانمرګي بريد دغه ښار نا ارامه کړی دی. د افغانستان د کورنيو چارو وزارت وايي د تاوتريخوالي په دغو پېښو کې اووه کسه ټپيان شوې، چې دوه يې پوليس دي. نن د افغانستان په وخت د غرمې په شاوخوا يوه بجه يوه ډله وسله وال د کابل ښار په ختيځه برخه کې يوې لوړپوړېزې ودانۍ ته چې کار يې لا نه دی بشپړ شوی ور وختل. دغه ودانۍ د امريکا له سفارت نه شاوخوا ۴۰۰ متره واټن لري.   http://www.bbc.co.uk/pashto/afghanistan/2011/09/110913_as_kabul_sucide_attack.shtml http://www.aljazeera.com/news/asia/2011/09/20119139512498402.html

  د بشري حقونو ډله: افغان پولیس جدي سرغړونې کوي | Human Rights Watch Group: Afghan police accused of serious abuses   د بشري حقونو د څار نړیواله ډله وايي د امریکا په ملاتړ جوړې شوي، د افغانستان د سیمه ایزو پولیسو ځینې ډلې د دندې پر وخت د قتل او جنسي تیري په ګډون جدي سرغړونې کوي. په امریکا کې میشته د بشري حقونو نړیواله ډلې نن دوشنبې یو رپوټ خپور کړی چې وايي د دوی دا معلومات د لویدیځ د هغه ستراتیژئ په وړاندې پوښتنې رامنځ ته کوي چې د افغانستان نه د وتلو په اړه ده او غواړي تر کال دوه زره څوارلس تر پایه پورې د چارو مسولیت افغان امنیتي ځواکونو ته وسپاري. د څار ددې ډلې رپوټ زیاتوي چې د افغانستان پولیس د مسؤلیتونو د اخیستو لپاره په بشپړه توګه روزل شوي نه دي. http://www.voanews.com/pashto/news/Afghan-Police-Vioations-129646033.html http://www.google.com/hostednews/afp/article/ALeqM5h8g_oHMvNBszhCCKBVMPq7X9JhfQ?docId=CNG.ae28cb8d067976f7a70eca294e7df79d.111  

    افغانستان کې د امریکا په مشرۍ د ناټو ځواکونو عمومي قومندان د سپتمبر د یوولسمې د لسم تلین د مراسمو په ترڅ کې وویل، نړیوال ایتلاف په افغانستان کې پر وسله والو طالبانو د بریا په درشل کې دی. جنرال جان الن په کابل کې د امریکا په سفارت کې د سپتمبر د ۱۱مې د لسم تلین د مراسمو پرمهال خبرداری ورکړ چې افغانستان کې به اورپکي خپلو موخو ته ونه رسېږي. دغو مراسمو ته یو شمېر افغان چارواکي او د نړیوالې ټولنې استازي هم ورغلي ول. جنرال جان الن وویل: ''موږ د اورپکو په شاکولو وتوانېدو. په دې ورځ ویلای شو چې موږ په افغانستان کې د بریالیتوب پر لور روان یو.'' پر همدې مهال، د سپتمبر د ۱۱ د لسم تلین له ورځې رارسېدو یوه ورځ وړاندې وسله والو طالبانو په میدان وردګو ولایت کې د امریکايي ځواکونو پر اډه برید وکړ، چې لږترلږه دوه ولسي وګړي پکې ووژل شول او د ۲۵ ولسي وګړو په ګډون ۱۰۲ ایساف سرتېري پکې ټپیان شول.   http://www.bbc.co.uk/pashto/afghanistan/2011/09/110910_hh-allen-afghan-war.shtml http://edition.cnn.com/2011/WORLD/asiapcf/09/10/afghanistan.troop.deaths/

  دشهيداوونۍ او دهيواد دملي اتل احمدشاه مسعود دشهادت تلين پر ځاى شو  | Tenth anniversary of Ahmad Shah Massoud's death commemorated     دشهيدداوونۍ او دهيواد دملي اتل احمدشاه مسعود دشهادت تلين په کابل کې دشهيد مسعود په څلورلاري کې دمقاومت په څلى دګلانو دگيډيو په ايښودلو اوداماني ليسې په تالارکې دپرتمينې غونډې په جوړولو سره درناوي وشو. دشهيدداوونۍ او دهيواد دملي اتل احمدشاه مسعود دشهادت تلين په کابل کې دشهيد مسعود په څلورلاري کې دمقاومت په څلى دګلانو دگيډيو په ايښودلو اوداماني ليسې په تالارکې دپرتمينې غونډې په جوړولو سره درناوي وشو. په دغو مراسمو کې د جمهوري رياست مرستيالانو ، دقضاييه ا ومقننه قوو رييسانو ، دکابينې غړو، يوشمير جهادي مشرانو او شخصيتونو ، پوځي جنرالانو او افسرانو، ددولتي   http://bakhtarnews.com.af/index.php?news=22789 http://news.xinhuanet.com/english2010/world/2011-09/09/c_131127057.htm  

      د افغانستان د سويلي ولايت هلمند چارواکي وايي چې تېره شپه د یوه ځانمرګي بريد په پايله کې اووه کسان وژل شوي دي. ځايي چارواکي وايي په بريد کې درې پوليس او څلور ولسي وګړي وژل شوي دي. دوی دغه راز وايي چاودنې پنځه کسه ټپيان کړي هم دي چې څلور يې ملکيان دي. د والي وياند داود احمدي وايي پېښه هغه مهال رامنځته شوه چې په موتر کې سپاره ځانمرګي د شپې ناوخته د سنګين ولسوالۍ پر ودانۍ بريد وکړ. وسله والو طالبانو تر اوسه په دې اړه څه نه دي ويلي، خو په تېرو وختونو کې يې تر ډېره د دا ډول بريدونه پړه منله.   http://www.bbc.co.uk/pashto/afghanistan/2011/09/110909_as_helmand_sucide.shtml http://www.pajhwok.com/en/2011/09/09/7-dead-helmand-suicide-attack

  د بهرنیو سرتیرو د ژر وتلو په اړه د سولې د شورا خبرداری | Peace Council wary of early withdrawal of Coalition forces     د سولې شورا وايي چې له هیواده د بهرنیو سرتیرو ژر او غیرمسولانه وتل به د هیواد وضعه ډيره خرابه کړي د سولې شورا د نړیوالو اړیکو مشاور وايي چې په واشنګټن کې د سعودي پخوانی سفیر د بهرنیو سرتیرو د وتلو په اړه مسولانه پریکړه وکړي. په واشنګټن کې د سعودي پخواني سفیر ترکي الفیصل ویلي دي چې امریکا د اسامه تر وژنې وروسته له افغانستان څخه د سرتیرو په وتلو کې ډيره ګټه کوي ځکه د دوی سرتیرو وړبریاوې نه دي لرلي. ترکي الفیصل د سعودي د څارګرې ادارې پخوانی رییس او په واشنګټن کې د امریکې سفیر و دی د سعودي د پادشاه ملک عبدالله وراره دی دی وايي چې اوباما باید د اسامه له وژل کیدو ډيره ګټه واخلي   http://www.tolonews.com/pa/afghanistan/3886-premature-withdrawal-would-make-situation-worse-peace-council http://www.tolonews.com/en/afghanistan/3886-premature-withdrawal-would-make-situation-worse-peace-council

  د امریکې سفیر: که له طالبانو سره جګړه ونه شي القاعده به بیرته راشي  | Ryan Crocker: If we don't fight the Taliban, Al Qaeda will come back   ه افغانستان کې د امریکې سفیر راین کراکر ویلي که د طالبانو پر وړاندې جګړې ته دوام ورنکول شي القاعده او طالبان به بیرته راشي او د سپټمبر د یولسمې په څير به نور بریدونه وکړي دا طالبان ستم کونکي بللي دي او ویلي یې دي چې دوی ډير خطرناک دي او لا هم له القاعدې سره اړیکې نه دي شلولي. راین کراکر رویټرز خبري آژانس ته وویل:« موږ باید تر هغه چې ماموریت مو پای ته نه وي رسولي باید جګړې ته دوام ورکړو که همداسې یې پریږدو کیدی شي طالبان بیرته راشي او القاعده به هم وي او دا زما لپاره هیڅ د منلو وړ نه ده ځکه چې دا زموږ د ملي ګټو پر خلاف دی.» د امریکې سفیر راین کراکر خبرداری هم ورکړ چې د امریکا متحد ایالتونه باید په راتلونکو کلونو کې چې امریکايي پوځیان خپل هیواد ته ستنېږي، د افغانستان د امنیتي ځواکونو او حکومت د پیاوړتیا لپاره په ملیاردونو ډالره نورې پیسې هم ولګوي.   http://tolonews.com/pa/afghanistan/3862-crocker-calls-taliban-tough-and-determined-   http://tolonews.com/en/afghanistan/3862-crocker-calls-taliban-tough-and-determined-  

  ناټو افغان زندانونو ته د بندیانو انتقال ځنډولی | NATO delays transfer of detainees to Afghan authorities       په افغانستان کې د ناټو اییتلاف، د افغانستان زندانونو ته د ځینو بندیانو ورسپارل ځنډولي دي. د ناټو چارواکو نن وویل چې دوی به د ملګرو ملتونو ددې نویو موندنو تر ارزونې وروسته، افغان حکومت ته ددې زندانیانو د سپارلو په برخه کی د پوره احتیاط نه کار واخلي. د افغانستان د کورنیو چارو وزارت او د ملي امنیت ریاست په افغانستان کی د بندیانو د شکنجې په اړه د ملګرو ملتونو خپور شوی رپوټ په کلکه غندلای دی. http://www.voanews.com/pashto/news/NATO-Afghan-Prison-129369988.html http://www.guardian.co.uk/world/2011/sep/06/afghan-jail-torture-fears-nato

    نن د ننګرهار ولایت د شیرزاد په ولسوالی کی د سړک د غاړی د بم په چادونه کې ددې ولسوالۍ ولسوال د خپلو دریو تنو ساتونکو سره یو ځای ووژل شول. داسې ویل شوي چې د سړک د غاړې دا بمونه د طالبانو په لاس ایښودل شوي وو. د شیر زادو ولسوال اصیل خان خوګیاڼی خپل دفتر ته  روان وو چې موټر یې پر ښخ شوي بم ور برابر شو. http://www.voanews.com/pashto/news/Shirzad-District-Chief-Killed-129295388.html http://www.dawn.com/2011/09/06/taliban-bomb-kills-afghan-governor-three-guards.html    

    د پروان والي بصیر سالنګي وایي د جرمني د دوه هغو غره ختونکو اتباعو مړي یې نن وموندل چې تیره میاشت د افغانستان په شمال کې ورک شوي وو. چارواکی وایي دا مړي یې په شمالي سالنګ کې موندلي دي. ددې دوو کسانو د وژل کیدو علت ندی څرګند او مړي هم د دوه غرونو په منځ کې د کلیوالو خلکو لخوا موندل شوي دي. د جرمني د باندنیو چارو وزیر ګایډو ویسترویل ویلي دي چې حکومت یې ددغو دوو کسانو په باب څیړنو ته ادامه ورکوي. http://www.voanews.com/pashto/news/Salang-Germans-129253518.html http://articles.cnn.com/2011-09-05/world/afghanistan.missing.germans_1_bodies-germans-province?_s=PM:WORLD

  میدویدیف: سیمه ییز قدرتونه باید د افغانستان برخلیک وټاکي | Medvedev: Regional powers should cooperate on energy issues     د افغانستان، پاکستان، تاجکستان او روسیې ولسمشرانو په دوشنبه ښار کې په دریمه څلور اړخیزه ناسته کې د دغو هېوادونو ترمنځ د ګډې همکارۍ اعلامیه لاسلیک کړه. په دې اعلامیه کې اقتصادي، سیاسي او امنیتي همکارۍ شاملې دي. په دې سرمشریزه کې د روسیې ولسمشر دیمترې میدویدیف وویل، چې د افغانستان او ګاونډیو هېوادونو د برخلیک په اړه باید د سیمې قدرتونه پرېکړه وکړي. ښاغلی میدویدیف وویل، که امریکا د افغان ځواکونو له سمبالښت وړاندې دغه هیواد پریږدي، نو د ده په وینا د افغانستان حالات به لا پسې کړکیچن شي.   http://www.bbc.co.uk/pashto/afghanistan/2011/09/110902_hh-doshanba-summit.shtml http://www.dawn.com/2011/09/02/no-progress-in-pakistan-afghanistan-eco-projects-medvedev.html  

    د افغانستان ولسمشر حامد کرزی د سیمې د څلورو هیوادونو، افغانستان، پاکستان، تاجکستان او روسیې د مشرانو په غونډه کې د ګډون لپاره نن ماسپښین د تاجکستان پلازمینې دوشنبې ته ولاړ. په دې غونډه کې چې سبا د جمعې په ورځ کیږی، ولسمشران حامد کرزی، امام علي رحمانوف، دیمتري میدویدوف او اصف علي زرداري، د ترورزم، سخت دریځی، د مخدره موادو د ستونزو او د څلورو ګاونډیو هیوداونو ترمنځ د اړیکو د پیاوړتیا په لارو چارو خبرې کوي. د غونډې په پای کې به په یو خبري کنفرانس کې ګډه اعلامیه هم خپره شي.   http://www.voanews.com/pashto/news/Pak-Afghan-Tajik-Russia-Talks-128876173.html http://tribune.com.pk/story/243429/zardari-arrives-in-tajikistan-seeks-cooperation-in-energy-sector-development/